Серыял «Мацільда» з чатырох частак павінен выйсці на экраны ў 2019 годзе.
Пра гэта паведаміў у суботу ТАСС рэжысёр аднайменнага фільма Аляксей Учыцель.
«Будзе фільм і чатырохсерыйны серыял», - распавёў расійскі рэжысёр. Паводле яго словаў, тэлеканал, на якім з'явіцца серыял, пакуль не вызначаны. «Ён выйдзе у 2019 годзе», - удакладніў Учыцель.
Што ж тычыцца фільма «Мацільда», дык яго тэлепрэм'ера, па словах рэжысёра, павінна адбыцца на Першым канале.
Фільм «Мацільда» — адна з самых скандальных карцін апошняга часу. У ёй расказваецца гісторыя кахання будучага расійскага імператара Мікалая ІІ і балерыны Мацільды Кшэсінскай. Фільм выклікаў пратэст кансерватыўна-праваслаўных колаў, рэжысёру пагражалі, да яго цкавання далучылася і дэпутатка Дзярждумы РФ, «пракурор Крыма» Наталля Палонская.
Музыка Цім Суладзэ: Розніца 30 гадоў — тое, што адпавядае маім уяўленням пра адносіны41
Каментары