Лідэру АГП Анатолю Лябедзьку прыйшло паведамленьне пра гэта з Цэнтральнага суду сталіцы. Падстава — нібыта няспалочаны штраф за «Эўрапейскі марш». Пікантнасьць у тым, што старшыня Цэнтральнага суду Мікалай Самасейка ідзе супернікам Лябедзька на выбарах па Старавіленскай акрузе.
Тры дні назад у паштовую скрынку лідэра АГП Анатоля Лябедзькі прыйшло паведамленьне з Цэнтральнага суду Менску пра накладзены арышт на ягоную кватэру. Падстава — нібыта няспалочаны штраф за «Эўрапейскі марш» 14 кастрычніка. Паведамленьне датуецца 6 жніўня, у той самы дзень Лябедзьку паведамілі паўторна пра немагчымасьць выезду з краіны.
«У мяне ёсьць на руках копія квітанцый, што той штраф быў сплочаны. Ніякіх запазычанасьцяў перад дзяржавай у мяне няма. Тэлефанаваў Вячорку, Івашкевічу, у іх ніякіх праблем. Ні выезд зь Беларусі ім не забаранілі, маёмасьць таксама не арыштоўвалі. Толькі супраць мяне такія меры», — кажа А. Лябедзька.
Палітык не выключае, што гэта інцыдэнт можа быць зьвязаны з тым, што ягоным супернікам на парлямэнцкіх выбары па Старавіленскай акрузе зьяўляецца старшыня Цэнтральнага суду Мікалаем Самасейкам.«Чамусьці мне здаецца, што гэта ня ёсьць выпадковасьцю. Магчыма, што гэта нейкі новы беларускі мэтад барацьбы з палітычнымі канкурэнтамі. Замест таго, каб займацца агітацыяй, я буду вырашаць кватэрнае пытаньне. Сёньня ў Самасейкі сустрэча з выбарцамі. Схаджу паслухаю. Пастараюся задаць пытаньне і пра маю кватэру», — кажа старшыня АГП.
Цяпер чытаюць
Бяспалаў намаляваў людзей са сцягамі ў цэнтры Мінска і адправіў фота ў міліцыю. З’ехаліся тры машыны з мігалкамі38
Каментары