У Беларусі адкрылася першае аддзяленне пошты з магчымасцю запісу праз інтэрнэт
У Маладзечне адкрылася аддзяленне пошты з магчымасцю запісу праз інтэрнэт, паведамілі БЕЛТА ў РУП «Белпошта».
Новае аддзяленне паштовай сувязі Маладзечна-2 будзе абслугоўваць больш за 16 тыс. чалавек. У ім у рамках аўтаматызаванай сістэмы рэгулявання электроннай чэргі кліентаў рэалізаваная магчымасць папярэдняга запісу — гэта першае ў Беларусі аддзяленне пошты, дзе з'явілася такая опцыя. Кліенты змогуць праз інтэрнэт папярэдне запісацца на зручны час і тым самым істотна скараціць час знаходжання ў аддзяленні.
Для наведвальнікаў і супрацоўнікаў створаны камфортныя ўмовы абслугоўвання і працы: у кліенцкім зале ўсталяваная сістэма кандыцыянавання паветра, відэаназіранне, электронная чарга, адзначаецца ў паведамленні.
Памерла палітзняволеная Алена Панкова. Паўгода назад яе асудзілі за ўдзел у пратэстах7
Каментары