Змены ў выбары рэктараў, большая аўтаномія ўніверсітэтаў, магчымасць увядзення ўступных іспытаў або падаўжэння завочнага навучання на адзін семестр з'яўляюцца толькі некаторымі прапановамі па рэформе вышэйшай адукацыі ў Польшчы. Законапраект прадстаўнікоў ВНУ з усёй Польшчы прэзентаваў падчас з'езда ў Кракаве віцэ-прэм'ер-міністр Яраслаў Говін, паведамляе Радыё Польшча.
Міністр навукі выказаў надзею, што найлепшыя польскія універсітэты адновяць уступныя іспыты на прэстыжных кірунках.
«Адбор студэнтаў тут павінен праходзіць больш старанна. На нашу думку, у працэсе набору таксама павінны прымацца пад увагу вынікі выпускных школьных экзаменаў», — сказаў ён.
Па словах міністра, змяненні таксама закрануць прыватныя ВНУ. Згодна з прапановамі, сярод іншага, студэнты такіх універсітэтаў змогуць кампенсаваць памер падаткаабкладання.
Каля 7 тысяч прадстаўнікоў акадэмічнай супольнасці былі ўцягнутыя ў падрыхтоўку рэформы. Законапраект будзе абмяркоўвацца да снежня. Згодна з планамі Яраслава Говіна, рэформа павінна ўступіць у сілу з наступнага навучальнага года, гэта значыць з кастрычніка 2018 года.
Цяпер чытаюць
Лукашэнка параіў узбекам шукаць вялікія грошы ў Расіі4
Лукашэнка параіў узбекам шукаць вялікія грошы ў Расіі
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм1818
Каментары