Ужо ў трэці раз рэдакцыя дзіцячага перыядычнага выдання «Паласатая газета» правяла дабрачынную акцыю ў падтрымку дзяцей, якія апынуліся летам у лячэбных установах: Рэспубліканскі апёкавы цэнтр, Рэспубліканскі навукова-практычны цэнтр траўматалогіі і артапедыі, Рэспубліканскі навукова-практычны цэнтр дзіцячай анкалогіі, гематалогіі і імуналогіі ў Бараўлянах, Аддзялення працяглага знаходжання ў дзіцячых бальніцах Гродна, Гомеля, Брэста, Віцебска, Магілёва, Мінска, Бабруйска, Оршы, Мазыра.
IBA актыўна ўзяла ўдзел у акцыі, выкупіўшы частку накладу газеты. Супрацоўнікі кампаніі разам з «Палосачкай» напісалі і адправілі кароценькія запіскі з добрымі словамі і пажаданнямі хутчэйшага выздараўлення дзецям, якія знаходзяцца на лячэнні. Ім і былі ўручаны свежыя нумары дзіцячай газеты з запіскамі. Запіскамі ад зусім незнаёмых людзей, якія пранікліся суперажываннем да дзятвы, якая вымушана правесці вакацыі не на морах-дачы, а сярод бальнічных сцен. Таму ў пасланнях ўтрымліваліся простыя сардэчныя словы падтрымкі і зусім сяброўскія подпісы, напрыклад: «З цеплынёй, ад бабулі Соні», «Мы трымаем за цябе кулачкі і лапкі, цётка Іна і кот Сняданак», «Моцна абдымаю, дзядзька Саша»…
Ганна Граноўская, галоўны рэдактар «Паласатай газеты», паведаміла, што заяўленыя 1170 нумароў газеты адпраўленыя дзецям у бальніцы.
Дзякуючы шчырым пажаданням адбываюцца цудоўныя гісторыі. Вось адна з іх, распавядае Граноўская: «У Бараўлянах, у анкалогіі, запіска ад цёці Рыты, якая пачынаецца са слоў «Дзяўчынка мая, прыгажуня…», трапіла да дзяўчынкі Дашы. Прыбегла разгубленая мама да псіхолага Цэнтра, пытаецца: «А хто такая цёця Рыта, у мяне дзіця усміхаецца!» Дзяўчынка праходзіць цяжкі курс хіміятэрапіі, яе наогул нічога не радавала…»
Ганна Граноўская сардэчна падзякавала IBA Group за ўдзел у акцыі, а таксама перадала словы ўдзячнасці ад супрацоўнікаў медыцынскіх устаноў.
-
Расіяніну, які п'яным пабіўся з ахоўнікамі мінскага метро, вынеслі лагодны прысуд
-
Латушка пра магчымасць вайны ў Беларусі: Гэта ж вар'яцтва, не ўяўляю, як крамлёўская прапаганда будзе тлумачыць гэта
-
«Да канца года, спадзяюся, зможам рэалізаваць адну-дзве рэчы». Бабарыка — пра свой новы праект і беларускую мову
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»31
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары