Перажывае карэнную рэканструкцыю: у Мінпрацы і МПЗ распавялі, як зменіцца дэкрэт аб дармаедах
Дэкрэт № 3 перажывае карэнную рэканструкцыю, зараз ён рыхтуецца ў абсалютна новай рэдакцыі, змяняецца не толькі сэнс дэкрэта, але нават яго назва, распавёў намеснік міністра працы і сацыяльнай абароны Валерый Кавалькоў падчас анлайн-канферэнцыі на сайце Белтэлерадыёкампаніі на тэму лібералізацыі бізнэсу.
— Плануецца, што дэкрэт будзе называцца «Па садзейнічанні занятасці» і будзе накіраваны на тое, каб органы ўлады аказалі максімальна магчымае садзейнічанне ахвотным працаваць, каб чалавек мог працаваць або быў працаўладкаваны на нейкае рабочае месца, — паведаміў Валерый Кавалькоў.
Прадстаўнік Мінпрацы таксама распавёў, як будуць стыкавацца абноўлены дэкрэт № 3 і прэзідэнцкі ўказ № 337 «Аб рэгуляванні дзейнасці фізічных асоб», якім пашырылі спіс відаў дзейнасці, для занятку якімі фізічным асобам не трэба рэгістравацца ў якасці індывідуальных прадпрымальнікаў.
- Калі казаць пра тое, каго мы будзем адносіць да занятых у эканоміцы і незанятых у эканоміцы (ужо такія паняцці ў новым дэкрэце выкарыстоўваюцца) зноў жа будзе залежаць ад таго, ці з'яўляецца ён рамеснікам ці не.
Калі чалавек зарэгістраваны ў падатковай, заплаціў збор, то ён з'яўляецца занятым у эканоміцы, ніхто кантраляваць не будзе, фактычна заняты ён у гэтай дзейнасці ці не. І рэгістрацыя ў ФСАН ужо не абавязковая. Ён вырашыў займацца нейкім відам дзейнасці, быць самазанятым, ён выплачвае стаўку адзінага падатку, значыць, ён заняты ў эканоміцы, — распавёў Валерый Кавалькоў.
Гэтае пытанне таксама пракаментавала намеснік міністра па падатках і зборах Святлана Шаўчэнка.
— Давайце растлумачу па дзейным Дэкрэце №3. У ім гаворыцца, што тыя асобы, якія самазанятыя дзейнасцю, займаюцца дзейнасцю, што не патрабуе рэгістрацыі ў якасці ІП, пры ўмове выплаты адзінага падатку (а мы з вамі казалі, што ў падатковым кодэксе цяпер пазначаныя 18 відаў дзейнасці), не прызнаюцца плацельшчыкамі збору на фiнансаванне дзяржаўных выдаткаў. Гэта ўлічана ў дэкрэце № 3. Указ № 337 пашырае віды дзейнасці, ён не ўстанаўлівае новапарадку, ён пашырае віды дзейнасці, адпаведна, на тых асоб, якія будуць займацца тынкавымі, малярнымі працамі, пашывам адзення, на іх дакладна такія ж умовы будуць распаўсюджвацца. Заплаціў падатак, заявіў, што ты займаешся дзейнасцю, адпаведна ні пра якую выплату збору ўжо гаворкі быць не можа.
Каментары