Супрацоўнікі аддзела крымінальнага вышуку Фрунзенскага РУУС шукаюць жанчыну па падазрэнні ў крадзяжы маёмасці з камеры захоўвання крамы па вул. Адзінцова, паведамляе ГУУС Мінгарвыканкама.
11 верасня каля 12:00 жанчына зайшла ў краму ў суправаджэнні мужчыны і заўважыла пакінуты пакет у адкрытай ячэйцы. Разам са сваімі рэчамі яна пераклала чужы пакет у суседнюю ячэйку. Зрабіўшы пакупкі, забрала сваю і чужую маёмасць і пайшла з крамы.
Неўзабаве пра набытае новае адзенне, пакінутае ў пакеце камеры захоўвання, узгадала ўладальніца. Вярнуўшыся ў краму, рэчаў не знайшла і звярнулася з заявай у міліцыю.
Прыкметы жанчыны: на выгляд 30-35 гадоў, рост 160-165 см, хударлявага целаскладу, валасы цёмныя. Была апранутая: кофта ружовага колеру з надпісам белага колеру, джынсы сіняга колеру, красоўкі бірузовага колеру з белай падэшвай. Носіць акуляры для зроку, пры сабе мела сумку праз плячо чорнага колеру.
Міліцыя просіць усіх, хто пазнаў жанчыну на фота альбо мае інфармацыю аб здарэнні, паведаміць па тэлефонах: 8 (017) 365-56-85, 8 (029) 851-46-65 альбо 102.
Цяпер чытаюць
Палітолаг Аліна Харысава пагадзілася супрацоўнічаць з СБУ. Аказалася, гэта было КДБ20
Каментары