Рэдкі выпадак суперфетацыі зарэгістравалі ў ЗША: жанчына зацяжарыла другі раз, калі ўжо вось-вось павінна была нарадзіць. У чэраве будучай маці адначасова знаходзіліся два плода ад чатырох розных бацькоў.
Пра гэты выпадак распавяло выданне New York Post.
Справа ў тым, што жыхарка Каліфорніі Джэсіка Ален вызвалася стаць сурагатнай маці для адной кітайскай пары.
Атрымаўшы грошы, яна прайшла ўсе патрэбныя працэдуры. Цяжарнасць працякала звычайна, а на шостым месяцы дактароў і саму Джэсіку чакаў сюрпрыз: УГД паказала, што яна выношвае дваіх дзяцей. Усе падумалі, што яна народзіць блізнят, але пасля кесарава сячэння тэст ДНК паказаў, што адно немаўля мела гены кітайскай пары, а іншае — сурагатнай маці і яе партнёра.
Такая з'ява называецца суперфетацыя: так адбываецца, калі падчас цяжарнасці авуляцыя працягваецца, гэта дапамагае з'явіцца яшчэ аднаму эмбрыёну. Падобных выпадкаў зарэгістравана дзясятак на ўсё насельніцтва нашай планеты.
Джэсіка здолела даказаць, што другое дзіця належыць ёй: разам з партнёрам яны назвалі хлопчыка Малахі і цяпер шчасліва яго выхоўваюць.
Цяпер чытаюць
Як быць маладым бацькам у 66 гадоў, пра мару і пра новы альбом — у гутарцы з легендаю фолку Іванам Кірчуком1
Як быць маладым бацькам у 66 гадоў, пра мару і пра новы альбом — у гутарцы з легендаю фолку Іванам Кірчуком
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга219219
Каментары