Як паведамляе крыніца 5 канала, расійскія спецслужбы цэлы год трымалі яго пад шантажом, выкарыстоўваючы інфармацыю пра цела сына, які загінуў на вайне.
У Нацпаліцыі заявілі, што меркаваны забойца Андрэя Парубія загадзя рыхтаваўся да злачынства і дэталёва яго планаваў.
Ён здзейсніў восем стрэлаў і пераканаўся, што ахвяра загінула. Пасля гэтага спрабаваў схаваць сляды: пераапрануўся, пазбавіўся зброі і накіраваўся хавацца на Хмяльніччыну.
Меркаванага забойцу затрымалі ўчора ўвечары.
«Меркаванага стралка некалькі хвілін таму затрымалі на Хмяльніччыне. Шмат дэталяў цяпер не будзе. Толькі скажу, што злачынства было старанна падрыхтавана: вывучаўся графік перамяшчэнняў загінулага, пракладаўся маршрут, прадумваўся план уцёкаў», — паведаміў учора позна вечарам міністр унутраных спраў Ігар Кліменка.
Паліцэйскія і супрацоўнікі СБУ, як паведамляецца, выйшлі на прамы след стралка ўжо праз 24 гадзіны пасля здарэння, а праз 36 гадзін — затрымалі. Больш дэталяў абяцаюць даць пасля.
Былы спікер Вярхоўнай Рады, дзейны народны дэпутат ад палітычнай сілы «Еўрапейская салідарнасць» Андрэй Парубій быў забіты ў Львове 30 жніўня. Гэта адбылося на вуліцы Яфрэмава, у Андрэя Парубія страляў невядомы. Ад агнястрэльных раненняў палітык загінуў на месцы.
Як паведамлялася, стралок быў апрануты як кур'ер службы дастаўкі. Паводле наяўнай інфармацыі, ён выкарыстаў электраровар. Нападнік падышоў да Парубія і восем разоў стрэліў у яго, пасля чаго з'ехаў з месца злачынства.
Цяпер чытаюць
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі2121
Каментары
Няправільнае слова — «зручна». Правільней было б сказаць «разумна».
Таму што ў свеце проста няма больш зацікаўленых і дасведчаных арганізатараў забойстваў. Толькі Расія.