Міністр абароны Брытаніі падаў у адстаўку, бо паклаў руку на журналістку
Міністр абароны Вялікабрытаніі Майкл Фэлан падаў у адстаўку. Пра свой намер пакінуць пасаду Фэлан апавясціў прэм'ера Тэрэзу Мэй адпаведным лістом. Рашэнне пакінуць пасаду Фэлан патлумачыў сваімі непрыстойнымі паводзінамі ў мінулым.
«Апошнімі днямі з'явілася некалькі абвінавачванняў у адрас парламентарыяў, у тым ліку і тых, што датычацца маіх паводзін у мінулым. Многія з іх ілжывыя, але я згодны з тым, што ў мінулым я паводзіў сябе ніжэй за той узровень, які патрабуецца для Узброеных сіл краіны, якія я маю гонар прадстаўляць», — гаворыцца ў лісце.
«Я разважаў над сваім становішчам, і цяпер пайду ў адстаўку з пасады міністра абароны», — напісаў Фэлан.
Пра які канкрэтна ўчынак ідзе гаворка, у заяве Фэлана не ўдакладняецца. Раней на гэтым тыдні ён прыносіў прабачэнні за інцыдэнт, які меў месца 15 гадоў таму, нагадвае The Guardian. У прыватнасці, Фэлан прынёс прабачэнні пасля таго, як брытанская журналістка Джулія Хартлі-Бруер распавяла, што той паклаў ёй руку на калена.
Ці былі нейкія іншыя інцыдэнты, якія маглі паўплываць на рашэнне Фэлана пайсці ў адстаўку, незразумела, дадае выданне.
This "incident" happened in 2002. No one was remotely upset or distressed by it. My knees remain intact. I refer you to my earlier statement pic.twitter.com/TWTj0nnsWb
— Julia Hartley-Brewer (@JuliaHB1) 30 октября 2017 г.
Дэлегатка КР Карпушонак пасля маўчання апублікавала відэа31
Каментары