Адзін з лідараў венесуэльскай апазіцыі, намеснік старшыні парламента краіны Фрэдзі Гевара з 4 лістапада 2017 года знаходзіцца ў пасольстве Чылі ў Каракасе і просіць там прытулку. Пра гэта заявілі ў прэс-службе Міністэрства замежных спраў Чылі, перадае DW.
У прыватнасці, апазіцыянер папрасіў чылійскага пасла даць яму абарону, паколькі баіцца за ўласную бяспеку.
Адзначана, што да такога кроку палітыка падштурхнула прынятае 3 лістапада рашэнне Вярхоўнага суда Венесуэлы аб зняцці з яго дэпутацкай недатыкальнасці.
У сувязі з гэтым супраць Гевары могуць пачаць працэс па абвінавачванні ў публічных закліках да масавых выступленняў супраць прэзідэнта краіны Нікаласа Мадура. У выпадку асуджэння палітыку пагражае да 10 гадоў зняволення.
Цяпер чытаюць
Каб не сядзець у Расіі за наркотыкі, малады даносчык з Ашмянаў запісаўся на фронт. Дый згінуў5
Каментары