Узрос попыт на беларускамоўную рэкламу, і «Яндэкс.Дырэкт» дадаў падтрымку беларускай мовы
Кіраўніца прэс-службы «Яндэкса» Наталля Жураўлёва паведаміла, што «Яндэкс.Дырэкт» пачаў падтрымліваць беларускую мову ў рэкламных абвестках.
«Даданне беларускай было прадыктавана, перш за ўсё, попытам сярод рэкламадаўцаў, які значна вырас. Мы вырашылі, што час надышоў», — сказала яна.
Беларуская мова стала пятай пасля рускай, турэцкай, англійскай і ўкраінскай, на якой «Яндэкс.Дырэкт» прымае абвесткі.
З тэхнічнага пункту гледжання даданне новае мовы ў партал — працяглы і затратны працэс. «Каб алгарытм мадэрацыі мог аўтаматычна прымаць абвесткі на беларускай мове (напрыклад, выяўляць памылкі ў словах), нам давялося «навучыць» яго мове. А гэта вельмі рэсурсаёмістая тэхнічная праца, на якую ў нас сышло некалькі месяцаў», — распавяла Наталля Жураўлёва.
У кампаніі спадзяюцца, што дзякуючы новай функцыі, рэкламадаўцы змогуць ахапіць яшчэ большую аўдыторыю.
«Яндэкс.Дырэкт» — сістэма кантэкстнае анлайн-рэкламы ад расійскай карпарацыі «Яндэкс», дзякуючы якой вы можаце бачыць рэкламу менавіта тых рэчаў, якімі вы цікавіліся апошнім часам. У Беларусі «Яндэкс.Дырэкт» з’яўляецца асноўным канкурэнтам падобнай сістэмы AdWords ад Google.
Як сцвярджаюць даследчыкі рынку, Беларусь з'яўляецца ўнікальнай краінаю, у якой долі абедзвюх найбуйнейшых сістэм кантэкстнай рэкламы — «Яндэкс.Дырэкт» і «Google AdWords» прыкладна роўныя.
Чытайце таксама: Як гэта працуе: сэрвіс Яндэкс.Пробкі. Рэпартаж з офіса «Яндэкса» ў Мінску
Цяпер чытаюць
У перамовах з Коўлам гэтым разам бярэ ўдзел і Турчын. З амерыканскага боку Сміт змяніўся на Паніка5
У перамовах з Коўлам гэтым разам бярэ ўдзел і Турчын. З амерыканскага боку Сміт змяніўся на Паніка
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну55
Каментары