Лакальныя падтапленні пасля моцных начных дажджоў прывялі да смерці як мінімум 14 чалавек і выклікалі разбурэнні ў цэнтральнай частцы Грэцыі, паведамляе BBC.
Прамысловыя гарады Мандру, Нэа-Перамос і Мегара, на захад ад Афін, былі найбольш закранутыя стыхіяй.
Паводле паведамленняў, многія з загінулых — пажылыя людзі, чые целы былі выяўленыя ратавальнікамі ў дамах. Хуткаплынныя патокі чырвонага бруду затаплялі дарогі і дамы амаль імгненна.
«Мы ўсё страцілі, бедства біблейскага маштабу», — сказаў мэр горада Мандру Яна Крыкукі грэцкаму дзяржаўнаму тэлеканалу ERT.
Як мінімум 13 чалавек былі дастаўленыя ў бальніцы, а некаторыя па-ранейшаму лічацца загінулымі без вестак.
Прэм'ер-міністр Грэцыі Алексіс Цыпрас выказаў спачуванні сваякам ахвяраў.
Моцныя дажджы не сканчаюцца ў цэнтральнай частцы Грэцыі ўжо прыкладна тыдзень.
Каментары