Былы юрыст Twitter запусціў сацсетку Twitter.now з новым падыходам да мадэрацыі і змагаецца за брэнд з Іланам Маскам.
Былы юрыст кампаніі Twitter Стывен Коўтс запусціў у тэставым рэжыме новую сацыяльную сетку Twitter.now, пра што паведамляе выданне Business Insider. Стартап Operation Bluebird прапануе прынцыпова новую мадэль мадэрацыі кантэнту, дзе замест цэнтралізаваных алгарытмаў узровень непажаданага або несапраўднага матэрыялу ў сваёй стужцы вызначаюць самі карыстальнікі.
Заснавальнікі праекта заяўляюць пра вяртанне легендарнага сімвала сацсеткі і прапануюць карыстальнікам адмовіцца ад сувязі з платформай Ілана Маска: «Забудзьцеся пра ваш X. Птушка вярнулася», — напісаў Стывен Коўтс, анансуючы запуск платформы.
Для мадэрацыі кантэнту Twitter.now выкарыстоўвае сістэму штучнага інтэлекту VERA, якая правярае сцвярджэнні, дадае кантэкст і прысвойвае допісам рэйтынг даверу. У будучыні карыстальнікі змогуць задаваць індывідуальны «парог» гэтага рэйтынгу, каб аўтаматычна адфільтроўваць фэйкі ды абразы.
Кампанія X падала ў суд на стартап за парушэнне правоў на таварны знак, аднак Operation Bluebird сцвярджае, што Маск фактычна адмовіўся ад брэнда «Twitter», назвы «tweet» і лагатыпа з птушкай пасля рэбрэндынгу.
Падчас слуханняў акруговы суддзя Колм Ф.Конэлі адзначыў: «Я збіраюся зрабіць адну выснову: я не знайшоў, каб X прадставіла пераканаўчыя доказы выкарыстання «tweet» або лагатыпа з птушкай. Але я яшчэ не вызначыўся адносна выкарыстання «Twitter». Гэта тое, у чым мне спатрэбіліся б дадатковыя тлумачэнні».
Зараз Twitter.now працуе ў абмежаваным вэб-рэжыме для некалькіх соцень карыстальнікаў, а ранняя рэгістрацыя і рэзерваванне нікнэйма каштуе 20 долараў.
Цяпер чытаюць
Адміністратарка «Штаба Аношак» валодае беларускай кампаніяй, датычнай да паставак санкцыйных паўправаднікоў у ваюючую Расію12
Адміністратарка «Штаба Аношак» валодае беларускай кампаніяй, датычнай да паставак санкцыйных паўправаднікоў у ваюючую Расію
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары