Брытанскі прынц Гары заручыўся з амерыканскай актрысай і фотамадэллю Меган Маркл. Пра гэта гаворыцца ў заяве Вестмінстарскай рэзідэнцыі членаў каралеўскай сям'і Кларэнс-хаус.
Як гаворыцца ў паведамленні, вяселле пройдзе вясной 2018 года. Бацькі нявесты далі згоду на шлюб і пажадалі маладым шчасця.
Пра раман Маркл з прынцам, які займае пятае месца ў чарговасці атрымання ў спадчыну брытанскага трону, стала вядома ў канцы кастрычніка 2016 года. Паходжанне актрысы (маці — чарнаскурая, бацька — белы) раскрытыкавалі ў інтэрнэце і бульварнай прэсе. У адказ Кенсінгтонскі палац заявіў, што СМІ «пераступілі рысу».
Меган Маркл нарадзілася 4 жніўня 1981 года і вырасла ў Лос-Анджэлесе, аднак цяпер жыве ў Таронта.
Яна скончыла каталіцкую школу для дзяўчынак, а затым, у 2003 годзе, Школу камунікацыі Паўночна-Заходняга ўніверсітэта ў Ілінойсе. Тады ж пачалася яе акцёрская кар'ера.
Бацька Меган працаваў дырэктарам па святле на тэлебачанні, і сама яна ўпершыню з'явілася на экране ў 2002 годзе ў эпізодзе медыцынскага серыяла «Галоўны шпіталь», пасля чаго здымалася ў серыялах «Месца злачынства», «Без следу» і «Касл».
Затым былі ролі ў буйных галівудскіх фільмах, такіх як «Уцёкі з Вэгаса», «Помні мяне» і «Нязносныя босы».
У верасні 2011 года Меган выйшла замуж за кінарэжысёра Трэвара Энгельсана, з якім яны сустракаліся 7 гадоў. Аднак праз два гады здарыўся развод, паведамляе Бі-бі-сі.
Памілаваныя 15 чалавек, сярод якіх 13 палітвязняў15
Каментары