Беларускі шоўмен Галыгін: Усе Алімпіяды трэба праводзіць у Сочы, а краіны завабліваць зніжкамі на газ
Вядомы беларускі комік, шоўмен Вадзім Галыгін на сваёй старонцы ў інстаграме выказаўся адносна забароны расійскім спартсменам удзельнічаць у наступнай зімовай Алімпіядзе пад расійскім сцягам.
«Дарагія сябры, цяпер ідзе бурнае абмеркавання нядопуску расійскай зборнай на Алімпіяду. Я на поўным сур’ёзе хачу прапанаваць. Па-першае, самую вялікую карумпаваную арганізацыю WADA байкатаваць на міждзяржаўным узроўні. Незразумела, кім яна фінансуецца… Дакладней, вядома, кім яна фінансуецца і кім кантралюецца.
Па-другое, сочынскі алімпійскі парк выкарыстоўваць як пляцоўку для ўсіх Алімпіяд, для ўсіх краін свету. Каб ніхто не траціў трыльярды, а заплаціць усяго мільёнаў дзесяць, каб размяшчалі сваю інфраструктуру, прывозілі сцягі і былі гаспадыняй Алімпіяд. Краіны заманьваць на альтэрнатыўную Алімпіяду шляхам зніжак на газ, падарункаў з нафты, трэба нешта рабіць.
У мяне хоць нейкая прапанова. Так адаб’ем грошы, укінутыя на будаўніцтва алімпійскага парка і зробім сваю Алімпіяду», — сказаў Галыгін.
Цяпер Вадзім Галыгін збольшага жыве і зарабляе ў Расіі.
***
Каментары