На аператыўнай нарадзе ў гарадскім выканаўчым камітэце 11 снежня старшыня Мінгарвыканкама Андрэй Шорац даручыў гарадскім службам узмацніць кантроль за несанкцыянаваным гандлем, перадае карэспандэнт агенцтва «Мінск-Навіны».
Паводле слоў галоўнага дзяржаўнага санітарнага доктара Мінска — галоўнага доктара Мінскага гарадскога цэнтра гігіены і эпідэміялогіі Нэлі Гіндзюк, максімальны штраф для такіх парушальнікаў складае: для фізічных асоб — 30 базавых, юрыдычных асоб — 200 базавых велічынь.
Па дадзеных начальніка ўпраўлення гандлю і паслуг Мінгарвыканкама Ніны Емяльянавай, на незаконных прадпрымальнікаў складзена ўжо больш за 1500 пратаколаў. Гэтыя грамадзяне атрымалі штрафы ад 5 да 50 базавых велічынь.
— У горадзе ёсць месцы, дзе пастаянна гандлююць з зямлі. Напрыклад, каля гасцініцы «Арбіта», на вул. Валгаградскай размясціліся цэлыя гандлёвыя шэрагі. Там прадаюць што заўгодна: рыбу, мяса, сала. Такія «прадпрымальнікі» стаяць ужо нават на пр. Пераможцаў. Гэтую практыку пара заканчваць, — адзначыў Шорац.
Старшыня Мінгарвыканкама даручыў адказным службам — санітарнай, падатковай, а таксама праваахоўнікам, кіраўнікам адміністрацый раёнаў горада і іншым — разабрацца з сітуацыяй.
Цяпер чытаюць
У гадавіну смерці Жанны Фрыске Дзмітрый Шэпелеў распавёў, чаму не дазваляе сыну бачыцца з яе сваякамі16
Каментары