Першыя дзве кнігі 10-томніка твораў Янкі Брыля будуць выдадзеныя ў гэтым годзе, паведаміла загадчыца аддзела выданняў і тэксталогіі Цэнтра даследаванняў беларускай культуры, мовы і літаратуры НАН Алена Васілевіч, перадае БелТА.
Тамы, якія выдаюцца ў гэтым годзе будуць уключаць апавяданні. Збор твораў Янкі Брыля рыхтуецца з улікам літаратурнага завяшчання пісьменніка, якое апублікуюць у першым томе.
Падрыхтоўкай выдання займаецца «Мастацкая літаратура», і, як адзначыў яго дырэктар Аляксандр Бадак, гэта няпраўда, што зборы твораў сёння не ў модзе. Мастацкая літаратура і класіка запатрабаваная чытачом, і яшчэ да выхаду чарговага тома ў выдавецтва звяртаюцца людзі якія цікавяцца, як хутка і дзе можна набыць новы збор.
Каментары