Адбыліся паспяховыя першыя лётныя выпрабаванні новай украінскай крылатай ракеты наземнага базіравання, здольнай дакладна трапляць у наземныя і марскія цэлі, паведамляе «Украінская праўда».
Пра гэта распавёў сакратар Рады нацыянальнай бяспекі і абароны Аляксандр Турчынаў пасля завяршэння выпрабаванняў.
Паводле яго слоў, гэта цалкам украінская распрацоўка канструктараў дзяржаўнага прадпрыемства «ДзяржККБ «Прамень» у супрацоўніцтве з іншымі дзяржаўнымі і прыватнымі прадпрыемствамі АПК Украіны.
Турчынаў таксама паведаміў, што СНБА, які каардынуе нацыянальную ракетную праграму, паставіў задачу «распрацаваць комплексы крылатых ракет не толькі наземнага, але таксама марскога і паветранага базіравання».
«Далёкасць дзеяння нашых крылатых ракет і іх баявы рыштунак не супярэчаць падпісаным Украінай міжнародным пагадненням для такога віду зброі», — дадаў ён.
«Для Украіны гэта вельмі важная падзея, бо пасля татальнага раззбраення ўкраінскай арміі згодна з Будапешцкім мемарандумам, на ўзбраенні Узброеных Сіл Украіны не засталося ніводнай крылатай ракеты», — адзначыў Турчынаў.
Цяпер чытаюць
«Рэтранслятары выключыць, зняць і паказаць нам, што яны знятыя». Зяленскі патлумачыў, чаму паставіў ультыматум і што мае зрабіць Мінск27
Каментары