Мінская міліцыя знайшла безбілетніка, які збег ад кантралёра і забыўся заплечнік, паведамляе ГУУС Мінска. Інцыдэнт адбыўся 21 студзеня ў тралейбусе №24. Кантралёр папрасіў маладога чалавека прад'явіць білет. Пасажыр перадаў прабіты двойчы талон. У аднаго з кантралёраў з рук ён выхапіў шарыкавую ручку, якой пачаў наносіць яму ўдары.
Супрацоўнікамі крымінальнага вышуку была высветлена асоба маладога чалавека — 20-гадовы ўраджэнец Мінскай вобласці прыехаў у сталіцу з мэтай працаўладкавання і пражываў у сваякоў у мікрараёне Серабранка. Малады чалавек распавёў, што сваякі заклікалі яго звярнуцца самастойна ў міліцыю, аднак ён пабаяўся і вырашыў чакаць, калі пройдуць тэрміны прыцягнення да адміністрацыйнай адказнасці.
Як паведамлялася, інцыдэнт адбыўся днём 21 студзеня ў тралейбусе №24. Кантралёр папрасіў маладога чалавека прад'явіць білет. Пасажыр перадаў прабіты двойчы талон. Тады кантралёр прапанаваў парушальніку выйсці на прыпынку па пр. Ракасоўскага для афармлення неабходных дакументаў. Аднак малады чалавек уцёк, пакінуўшы пры гэтым свой заплечнік.
Цяпер чытаюць
Палітолаг Аліна Харысава пагадзілася супрацоўнічаць з СБУ. Аказалася, гэта было КДБ20
Каментары