У Пінску высвятляюцца абставіны гібелі мясцовай жыхаркі, якая знаходзілася ў вышуку як зніклая без вестак. Па падазрэнні ў забойстве затрыманы яе 40-гадовы сын, піша Tut.by.
26 лютага ў Пінскі ГАУС з заявай аб знікненні без вестак маці звярнуўся жыхар Пінска. Ён растлумачыў, што ў пачатку лютага яго 75-гадовая маці забрала свае рэчы і накіравалася ў невядомым яму кірунку.
Праваахоўнікі выказалі здагадку, што знікненне жанчыны можа мець крымінальны характар.
Пазней мужчына прызнаўся, што ў ноч з 3 на 4 лютага ў ходзе сваркі ён штурхнуў маці, у выніку чаго яна стукнулася галавой аб сметніцу. Увечары ён пабачыў, што маці памерла. Тры ночы мужчына спальваў яе цела ў хатняй печы. Мужчына пазбаўляўся ад рэшткаў па частках.
У дачыненні да мужчыны распачата крымінальная справа за забойства. Цяпер падазраваны знаходзіцца ў ізалятары часовага ўтрыманьня. Раней ён судзімы не быў.
Цяпер чытаюць
Вось як выглядае з космасу асвятленне Мінска ў параўнанні з суседнімі сталіцамі ФОТАФАКТ2
Каментары