Двое п'яных ехалі на адной машыне, і праблемы сабе здабыў не толькі кіроўца
Раніцай 14 лютага 23‑гадовы мужчына, які кіраваў аўтамабілем Opel на гасцявой стаянцы дома №3 на мінскай вуліцы Гашкевіча, збіў 26‑гадовага пешахода, які ішоў па тратуары. Пешахода павезлі ў бальніцу для абследавання, але развіццё гісторыі на гэтым не скончылася.
Фота: ГУУС Мінгарвыканкама
Пасля здарэння кіроўца застаўся на месцы, але яго 24‑гадовы пасажыр перасеў за руль і паспрабаваў выехаць з тэрыторыі стаянкі. Яго, аднак, спынілі супрацоўнікі міліцыі.
Медыцынскае абследаванне паказала, што ў арганізмах абодвух — кіроўцы і пасажыра — было прыкладна 2 праміле алкаголю. А далейшае расследаванне выявіла, што пасажыр увогуле ніколі не меў пасведчання кіроўцы.
У выніку абодвух парушальнікаў даставілі ў РУУС, а аўтамабіль паставілі на стаянку пад аховай.
Цяпер чытаюць
Дзядок расказаў, як паводзіў бы сябе ў сённяшняй Беларусі і што будзе далей4
Каментары