Зяленскі: Ва Украіне пасля расійскіх удараў не засталося ніводнай цалкам ацалелай электрастанцыі
Толькі ў студзені Украіна адбіла атакі каля 6000 дронаў, больш за 150 ракет і звыш 5000 кіраваных авіябомбаў.
Прэзідэнт Украіны Уладзімір Зяленскі, выступаючы на Мюнхенскай канферэнцыі па бяспецы, заявіў, што ў краіне не засталося ніводнай непашкоджанай электрастанцыі, піша Bild.
«Няма ніводнай электрастанцыі ва Украіне, якая не была б пашкоджана расійскімі атакамі. Ніводнай», — падкрэсліў ён.
Па словах Зяленскага, толькі ў студзені Украіна адбіла атакі каля 6000 дронаў, больш за 150 ракет і звыш 5000 кіраваных авіябомб.
Прэзідэнт Украіны назваў стан супрацьпаветранай абароны пытаннем выжывання. Пры гэтым Зяленскі падзякаваў краінам, якія падтрымліваюць Кіеў «не толькі словамі, але і справамі», асобна адзначыўшы дапамогу Германіі, Нарвегіі і Нідэрландаў, а таксама пастаўкі ўзбраенняў па лініі ЗША.
«Я ганаруся нашай краінай. Менавіта мужнасць і стойкасць украінцаў маюць вырашальнае значэнне. За гэта ўкраінцы заслугоўваюць падзякі і павагі», — заявіў ён пад апладысменты залы.
Асобна Зяленскі раскрытыкаваў кіраўніцтва Ірана за пастаўкі дронаў Расіі. Паводле яго слоў, Украіна не знаходзіцца ў канфлікце з Іранам, аднак менавіта іранскія беспілотнікі выкарыстоўваюцца для атак на ўкраінскія гарады.
Цяпер чытаюць
Зорная беларуская інтэлектуалка пайшла на рэаліці ад ТНТ — будзе плясці інтрыгі, каб атрымаць 100 тысяч еўра6
Каментары
Иначе, невозможно объяснить согласие трампа на переговоры без прекращения огня и боевых действии !
Иначе, невозможно объяснить 4-5 кратный рост ударов по энергетической инфраструктуре Украины в сравнении с байденовскими временами, как и падение, в 3-4 раза военной помощи США, в сравнении с байденовскими временами с полной блокировкой финансовой помощи США Украине !