Зьміцер Паліенка, які адбывае пакараньне ў Бабруйскай калёніі, днямі даслаў ліст бацьку, у якім расказаў у тым ліку пра свой стан здароўя, піша Радыё Свабода.
«З нагой у яго цяпер нармальна. Сам піша, што рана ўжо загаілася, усё добра. Ня ведаю, адкуль узялася інфармацыя, што былі падазрэньні на гангрэну, мне ён такога не паведамляў», — расказаў пра стан зьняволенага сына Аляксандар Паліенка.
Бацька абверг і зьвесткі пра тое, што сына перавялі ў горшыя ўмовы працы.
«Наадварот. Яго перавялі з вырабу кардонных каробак, дзе шмат пылу, на пашыўку рукавіц. Ён сам папрасіўся, каб перавялі. У яго ж астма была, нельга дыхаць гэтым пылам. Дык цяпер лепш, бо пылу там няма. Хоць там і там амаль нічога не плацяць, можа, за год які рубель атрымае, недзе так. Але на рукавіцах яму лепей», — паведаміў Паліенка-старэйшы.
Пры гэтым Аляксандар Паліенка пацьвердзіў, што сына ў калёніі пэрыядычна зьмяшчаюць у карцэр.
«Можа, ня кожны месяц, але бывае. Ён там у іх на асаблівым рахунку, таму жоўтую бірачку на грудзях носіць. Як было ў нас спатканьне, дык быў з гэтай біркай, якая азначае, што ён неаднаразовы парушальнік рэжыму. Прыдзіраюцца да яго, безумоўна, ды і ён сам такі, вы ж ведаеце, запальчывы. Таму па-рознаму бывае».
Мікалай Паліенка паведаміў, што днямі адправіў сыну ў калёнію пасылку.
«Сабралі зь ягонымі сябрамі пасылку на 30 кіляграмаў. Харчы, якія ён прасіў, сухафрукты. Напісаў яму пра пасылку і цяпер чакаю паведамленьня, што ён пасылку атрымаў. Неўзабаве мусіць адказаць. У траўні ў яго будзе дзень нараджэньня, дык зьбіраюся на спатканьне», — сказаў бацька палітвязьня.
***
Зьмітра Паліенку трымаюць у Бабруйскай калёніі зь сярэдзіны мінулага году. Ён мае выйсьці на волю сёлета ў кастрычніку.
У кастрычніку 2016 году грамадзкаму актывісту Зьмітру Паліенку, якога абвінавачвалі ў нападзе на міліцыянта падчас акцыі «Крытычная маса», прысудзілі 2 гады зьняволеньня з адтэрміноўкай. Празь некалькі месяцаў Паліенку зноў арыштавалі і асудзілі ўжо на рэальны тэрмін за тое, што нібыта парушаў правілы адбыцьця пакараньня. Доказам сталі затрыманьні актывіста на пратэставых акцыях.
-
«З мяне нічога не возьмеш, а людзі пацярпелі». Пара пенсіянераў другі год не можа выпісаць з мінскай кватэры шматдзетную сям'ю эмігрантаў
-
Беларус, узяты ў палон украінцамі, звярнуўся да Лукашэнкі з просьбай закінуць за яго слоўца перад Пуціным
-
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ
Цяпер чытаюць
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ3
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»2929
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»29
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю44
Каментары