«Пагаджайся на сэкс, нараджай». Фатографка стварыла паштоўкі для маці, дзе строіць з сябе шчаслівую жонку і палюбоўніцу
38-гадовая Альбіна Галеева не замужам, у яе няма дзяцей, і праз гэта яе вельмі часта дапякаюць пытаннямі кшталту: чаму так? Але як павінна быць? І хто гэта вырашыў?
«Мая маці кажа, што мне трэба быць падатлівай, каб знайсці сабе мужа. Адзін гінеколаг прапанаваў мне нарадзіць для сябе, другі — на ўсякі выпадак замарозіць яйкаклеткі. Грамадства чакае ад мяне нашчадкаў, шлюбу, сваёй кватэры; інстаграм — сэлфі; мужчыны — запрашэнняў на сэкс», — падзялілася набалелым Альбіна з Birdinflight.
Як мастачка і фатографка яна вырашыла прымерыць усе стэрэатыпныя вобразы шчаслівай жанчыны і зняла серыю паштовак, адрасаваных маці. Адной з тых, хто найбольш незадаволены тым, як складваецца жыццё Альбіны.
Для здымкаў Альбіна шукала мужчын у дадатках для знаёмстваў. Яна прапаноўвала ім «пражыць» разам розныя этапы ўзаемаадносін. Так, як «павінна быць у норме».
«Калі я фатаграфую нас, я гляджу ў камеру з нямым пытаннем. Чаму, калі я імкнуся перасягнуць саму сябе, я шукаю адабрэння і ўвагі? Ці не губляю я сябе, калі пражываю жыццё ў адпаведнасці з роляй? Ці, мабыць, так я спрабую больш даведацца пра сябе?», — спрабуе знайсці адказы Альбіна.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»23
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары