Міністэрства юстыцыі даслала ліст на адрас Нацыянальнага камітэту АГП. Прадметам увагі зрабіліся паводзіны старшыні партыі Анатоля Лябедзькі.
Міністэрства юстыцыі даслала ліст на адрас Нацыянальнага камітэту АГП. Прадметам увагі зрабіліся паводзіны старшыні партыі Анатоля Лябедзькі.
Спасылаючыся на некаторыя публікацыі (на «Белорусских новостях», радыё «Свабода» і на нашым сайце www.ucpb.org), Міністэрства юстыцыі наракае на дзеянні Анатоля Лябедзькі: як гэта ён выйшаў на Кастрычніцкую плошчу, каб пратэставаць з нагоды фальсыфікацыяў на «парлямэнцкіх выбарах».
Міністэрства юстыцыі нагадала, што ў адпаведнасьці з заканадаўствам «асоба, якая выступае ад імя юрыдычнай асобы, павінна дзейнічаць добрасумленна і разумна».
На гэтай падставе начальнік Упраўленьня грамадзкіх аб’яднаньняў А.Сьліжэўскі, які падпісаў ліст, выказвае меркаваньне, што АГП у сваёй дзейнасьці не выконвае «прынцыпы дэмакратызму і законнасьці».
Да таго ж гаворка ў лісьце ідзе пра «так званую «Палітраду АДС».
«Я насамрэч заклікаў 28 верасня выходзіць на акцыю пратэсту, — кажа старшыня АГП Анатоль Лябедзька. — Але пры чым тут Аб’яднаная грамадзянская партыя? Што ж да АДС, дык, калі ў Міністэрства юстыцыі маецца заклапочанасьць лёсам кааліцыі, няхай гэтае ведамства зробіць прапанову палітычным партыям афіцыйна яе зарэгістраваць. Такі падыход якраз і будзе адпавядаць прынцыпам дэмакратызму і законнасьці».
Цяпер чытаюць
Бяспалаў намаляваў людзей са сцягамі ў цэнтры Мінска і адправіў фота ў міліцыю. З’ехаліся тры машыны з мігалкамі39
Каментары