У суправаджальных дакументах на буйную партыю камп'ютарных камплектуючых віцебскія мытнікі выявілі недакладныя звесткі пра кошт: ён быў заніжаны ў дзевяць разоў, паведамляе Віцебская мытня.
Тавар накіроўваўся з Латвіі ў грузавым аўтамабілі DAF праз пункт пропуску «Урбаны».
У прадстаўленых кіроўцам да мытнага афармлення дакументах было пазначана, што ў грузавым адсеку аўто перамяшчаецца больш за 3,5 тысячы мацярынскіх плат і відэакарт. Аказалася, што гэта сапраўдная колькасць камплектуючых, але кошт тавару быў заніжаны.
У адпаведнасці з атрыманай ад фірмы-вытворцы інфармацыяй высветлілася, што рэальны кошт партыі камплектуючых у дзевяць разоў перавышае заяўленую і складае больш за 417 тысяч рублёў.
Перавозчык абсталявання хацеў ухіліцца ад выплаты мытных плацяжоў у поўным аб'ёме, тым самым зэканоміць больш за 68 тысяч рублёў.
Азараў моцна пакрыўдзіўся на словы «псеўдалідаркі Ціханоўскай», што яго План Перамога быў памылкай32
Каментары