Беларуская дэлегацыя ўзяла ўдзел у ток-шоу «Права голасу» на тэлеканале ТВЦэнтр. У яе склад увайшлі член Савета Рэспублікі, старшыня «Белай Русі» Генадзь Давыдзька, намеснік старшыні ЛДПБ Алег Гайдукевіч, а таксама палітолагі Юрый Шаўцоў і Пятро Пятроўскі.
Расійскія апаненты задалі беларусам канкрэтнае пытанне: чый Крым?
«Вы лічыце Расію суверэннай дзяржавай, як і Беларусь? Так? Тады ў мяне наступнае пытанне: ці вы лічыце Крым часткай нашай Саюзнай дзяржавы?» — прагучала правакатыўнае пытанне.
«Да таго часу, пакуль у Беларусі знаходзіцца пляцоўка [перамоваў] «Мінск-2» — і зараз гэту перадачу будуць глядзець усе ўкраінцы, якія шукаюць хоць якую нагоду сарваць перамовы ў Мінску; і ён [Давыдзька] сенатар, а я прадстаўляю парламенцкую партыю, якая ўваходзіць у міжнародную камісію, што арганізавала перамовы — я не адказваю на гэтае пытанне. Павінна не ліцца кроў ва Украіне!» — заявіў Гайдукевіч.
«Для мяне на пытанне пра крымскую прыналежнасць адказала бабуля ў восемдзесят нейкім годзе. Я адпачываў у Крыме, мне надакучыла садавіна і садавіна, я вырашыў купіць сала. Я прыйшоў на рынак, сядзіць бабуля, прадае сала. Я кажу: бабуля, гэта мясцовае сала? І яна мне адказвае вось што: не, гэта з Украіны!» — іншасказальна адказаў Давыдзька.
Яго вырашылі даціснуць: «Гэта бабуля, а вы як адкажаце?»
«Я адкажу на гэта пытанне, як Гайдукевіч», — падсумаваў Давыдзька.
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?9
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары