Кабякоў распавёў, хто зоймецца стварэннем новага «ІТ-міністэрства» і як будуць будаваць лічбавую краіну
Рада па развіцці лічбавай эканомікі прапрацуе пытанне стварэння адпаведнага міністэрства. Аб гэтым заявіў прэм'ер-міністр Андрэй Кабякоў на першым пасяджэнні савета, паведамілі БелТА ў прэс-службе беларускага ўрада.
Прапанову па стварэнні «моцнага і эфектыўнага міністэрства» ў IT-сферы выказаў Аляксандр Лукашэнка падчас нядаўняга звароту да парламента і народа.
Прэм'ер-міністр падкрэсліў, што задача па ператварэнні Беларусі ў ІТ-краіну прадугледжвае глабальнае асваенне новых лічбавых тэхналогій ва ўсіх сферах жыцця грамадства і эканомікі.
«Органам дзяржаўнага кіравання, сістэме адукацыі, рэгулятарам розных сфер дзейнасці трэба будзе карэнным чынам перабудаваць сваю работу. Важны крок намі ўжо зроблены. Падпісаны ў канцы мінулага года дэкрэт аб развіцці лічбавай эканомікі стварае беспрэцэдэнтныя для нашай краіны прававыя ўмовы для работы ІТ-індустрыі. І мы разлічваем, што паспяховая апрабацыя шэрагу заканадаўчых норм на базе Парка высокіх тэхналогій дасць магчымасць у будучым паспяхова перанесці гэты вопыт на эканоміку ў цэлым», — адзначыў Андрэй Кабякоў.
Пры гэтым, паводле яго слоў, ІТ-сфера, тэлекамунікацыі, сувязь — толькі малая частка эканомікі, якую трэба будзе пераўтварыць. Змены маюць закрануць і прамысловасць, і сельскую гаспадарку, і транспартную сістэму.
Паводле яго словаў, з улікам важнасці і складанасці вырашэння праблем лічбавізацыі, пасяджэнні савета будуць праводзіцца не радзей за адзін раз на квартал, а пры неабходнасці — яшчэ часцей.
Цяпер чытаюць
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць88
Каментары