Вечарам вызначыліся ўдзельнікі плэй-оф у групе B. І тут быў хітразакручаны сюжэт.
Інтрыга была ў тым, што пасля двух тураў і Іспанія, і Партугалія мелі не толькі аднолькавую колькасць балаў (чатыры), але і аднолькавую рознасць і паказчык мячоў — 4:3. У першым туры яны згулялі паміж сабой 3:3, а потым мінімальна выйгралі ў супернікаў — 1:0.
Таму сёння пры аднолькавым выніку ў ход пайшлі б дадатковыя паказчыкі. Так і здарылася: Іспанія — Марока — 2:2, а Партугалія — Іран — 1:1.
Прычым Іран здолеў зраўняць лік на 4-й дададзенай хвіліне і нават мог выйграць на апошніх. Іспанія двойчы саступала ў ліку, але здолела не толькі зраўняць лік на апошніх хвілінах, але і ў выніку выйсці на першае месца ў групе.
Іспанія — 5 (розніца мячоў — 6:5), Партугалія — 5 (розніца мячоў — 5:4), Іран — 4, Марока — 1.
Іспанія апынулася вышэй за Партугалію за кошт большай колькасці забітых мячоў.
Такім чынам вызначыліся першыя пары 1/8 фіналу.
30 чэрвеня згуляюць Партугалія — Уругвай (21:00), а 1 ліпеня — Расія — Іспанія (17:00).
У аўторак пройдуць матчы ў групах С і D.
17:00 — Францыя — Данія, Перу — Аўстралія.
Францыя — 6, Данія — 4, Аўстралія — 1, Перу — 0.
Перу страціла шанцы на плэй-оф, а Францыя заваявала пуцёўку датэрмінова.
21:00 — Харватыя — Ісландыя, Аргенціна — Нігерыя.
Харватыя — 6, Нігерыя — 3, Аргенціна — 1, Ісландыя — 1.
Харватыя датэрмінова заваявала першае месца.
Калі сочыце за чэмпіянатам свету па футболе, раім вам зрабіць стаўку ў Букмекерскай канторы Марафон!
Цяпер чытаюць
Дачка Надзеі Ермаковай пастаўляе рыбу ў калоніі, бальніцы і сілавікам1
Каментары