Суд Савецкага раёна Мінска прысудзіў 24-гадовага жыхара сталіцы, які бегаў з сякерай за мінакамі, да 3 гадоў 6 месяцаў пазбаўлення волі, паведамляе Мінскі суд.
Увечары 28 лютага ў лесапаркавай зоне побач з вуліцай Нікіціна ў Мінску 50-гадовы мужчына выгульваў сабаку. Калі гадаванец пачаў гучна брахаць, гаспадар павярнуўся і ўбачыў невядомага маладога чалавека, ніжняя частка твару якога была заслонена тканінай. Ён трымаў сякеру ў паднятай уверх правай руцэ. Мужчына спалохаўся і разам з сабакам пабег дадому, а чалавек з сякерай яго даганяў. У выніку 50-гадовы мінчук схаваўся за плотам дома.
Мужчына паведаміў пра здарэнне ў праваахоўныя органы і расказаў пра прыкметы нападніка. Участковыя высветлілі асобу падазраванага — 24-гадовага жыхара Мінска затрымалі і змясцілі ў ізалятар часовага ўтрымання. Пры аглядзе на месцы здарэння і па месцы яго жыхарства следчыя з удзелам экспертаў канфіскавалі часткі сякеры.
Паводле слоў маладога чалавека, ён накіраваўся ў лес пакалоць дровы, каб зняць стрэс. Перад гэтым выпіў спіртное і лекі. Таксама высветлілася, што за гадзіну да апісаных падзей мінчук пагражаў сякерай яшчэ двум людзям.
Цяпер чытаюць
Аляксандр Лукашэнка так ляснуўся на лёд на хакеі, што трыбуны замерлі ВІДЭА116
Аляксандр Лукашэнка так ляснуўся на лёд на хакеі, што трыбуны замерлі ВІДЭА
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары