Аляксандр Лукашэнка 15 ліпеня па запрашэнні Уладзіміра Пуціна наведае Маскву, дзе на стадыёне «Лужнікі» будзе прысутнічаць на цырымоніі закрыцця і фінальным матчы чэмпіянату свету па футболе.
Пра гэта паведамляе Белта са спасылкай на прэс-сакратарку кіраўніка беларускай дзяржавы Наталлю Эйсмант. Яна распавяла, што Аляксандр Лукашэнка ўважліва сачыў за падзеямі на мундыялі — матчамі групавога этапу і асабліва на стадыі плэй-оф.
Прэзідэнт у тым ліку высока ацаніў вынікі гульні гаспадароў турніру — расійскай зборнай, якая вельмі добра паказала сябе. «І, увогуле, на думку кіраўніка дзяржавы, па ходзе чэмпіянату многія каманды паказалі першакласны футбол. У кожным матчы прысутнічала інтрыга, незалежна ад рэгалій гульцоў і рангу фаварытаў. Гэты мундыяль сапраўды стаў адкрыццём новых зорных каманд», — адзначыла прэс-сакратарка.
Адказваючы на пытанне, за каманду якой краіны Аляксандр Лукашэнка будзе заўзець падчас фінальнага матчу, Наталля Эйсмант падкрэсліла, што перш за ўсё «за прыгожы і рэзультатыўны футбол».
У фінале чэмпіянату свету згуляюць зборныя Францыі і Харватыі, а напярэдадні, 14 ліпеня, за бронзу пазмагаюцца Бельгія і Англія.
Жонка Галыгіна адсвяткавала пад Мінскам дзень нараджэння ў рускім стылі — у какошніку і з тортам-матрошкай ШМАТ ФОТА21
Каментары