Учора, 16 ліпеня, у першай палове дня паветраную прастору Эстоніі парушылі расійскія самалёты A319 і ІЛ-96. На борце апошняга знаходзіўся прэзідэнт Расіі Уладзімір Пуцін, паведамляе Postimees.
Абодва самалёты належаць дзяржаўнаму авіяпарку Расіі. Гэта азначае, што на іх лятаюць толькі вышэйшыя дзяржаўныя чыноўнікі.
Пуцін прыбыў у Хельсінкі на самалёце ІЛ-96 з рэгістрацыйным нумарам RA-96022. Пры вывучэнні анлайн-радараў зразумела, што самалёт менавіта з гэтым рэгістрацыйным нумарам парушыў паветраную прастору Эстоніі.
Самалёты знаходзіліся ў паветранай прасторы Эстоніі менш за хвіліну. Іх транспондары былі ўключаныя, але планы палётаў не прадстаўлены. У самалётаў не было радыёсувязі з Эстонскай службай паветранага руху.
Каментары