У аграгарадку Сіняўка Клецкага раёна адбылася надзвычайная падзея: паўтарагадавалая дзяўчынка ледзь не патанула ў дваровым басейне, паведамляе Следчы камітэт.
18 жніўня дзіця гуляла на двары прыватнага дома пад наглядам маці. Жанчына на хвіліну адышла ў хату, а калі вярнулася — знайшла дачку ў басейне без прытомнасці. Басейн быў каркасны, у ім было каля 26 сантыметраў вады.
Маці выклікала дапамогу, дзяўчынцы аказалі першую медыцынскую дапамогу. Цяпер яна знаходзіцца ў рэанімацыі, за яе жыццё змагаюцца лекары.
Каментары