Венесуэльцам упершыню за 15 гадоў дазволілі мяняць валюту. Улады разлічваюць, што гэта аслабіць ціск на эканоміку ва ўмовах інфляцыі, якая дасягнула мільёна працэнтаў.
Грамадзяне Венесуэлы змогуць набываць замежную валюту ў спецыяльных установах, якія атрымаюць дзяржаўную ліцэнзію, паведамляе РБК са спасылкай на Reuters.
Цяпер жа купля і продаж валюты іншых краін караецца як крымінальнае злачынства.
Забарона на абмен валюты існавала ў Венесуэле з 2003 года і была ўведзена па ініцыятыве прэзідэнта Уга Чавеса, які разлічваў тым самым спыніць сыход капіталаў з краіны. У выніку венесуэльскія прадпрыемствы пазбавіліся валюты, у якой мелі патрэбу для закупак з-за мяжы.
Каментары