Уладальнік пітона, якога адлавілі на тэрыторыі дзіцячага садка ў Мінску, аштрафаваны на 490 рублёў, паведамляе Мінскі гарадскі камітэт прыродных рэсурсаў і аховы навакольнага асяроддзя.
Фота: МНС.
Мужчыну прыцягнулі да адміністрацыйнай адказнасці за парушэнні ўмоў утрымання і за тое, што экзатычная змяя не была зарэгістраваная гаспадаром. Агульная сума штрафу склала 20 базавых велічынь (490 рублёў).
Пітона злавілі ў Мінску 15 жніўня на тэрыторыі дзіцячага садка па вуліцы Убарэвіча і змясцілі на часовае ўтрыманне ў Мінскі заапарк. 16 жніўня прадстаўнікі заапарка перадалі рэптылію грамадзяніну, які заявіў на яе права. Калі гаспадар змяі пацвердзіў, што жывёла належыць яму, супраць яго распачалі адміністрацыйную справу.
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі13
Каментары