Старшыня Следчага камітэта Беларусі Іван Наскевіч у праекце «Размовы ў прэзідэнта» на тэлеканале «Беларусь 1» пракаментаваў гучную «справу Коржыча». У чацвер ён дакладаў пра яе кіраўніку дзяржавы. Як вядома, у Мінску праходзіць суд, абвінавачваюцца тры сяржанты». Грамадства ўзрушана: чаму ў судзе асноўныя прэтэнзіі адрасаваныя сяржантам і чаму няма афіцэраў?» — спытаў журналіст, паведамляе Еўрарадыё.
Вось што сказаў Іван Наскевіч: «У якасці абвінавачаных па дадзенай крымінальнай справе прыцягнутыя тры малодшыя камандзіры, тры сяржанты гэтай роты, якім выстаўленыя абвінавачанні ў перавышэнні ўлады, што пацягнула цяжкія наступствы. А менавіта: давядзенне да самагубства радавога Коржыча.
Мушу сказаць, што ў рамках расследавання гэтай крымінальнай справы распачата 10 крымінальных спраў у дачыненні да 13 асоб, якія тычацца нестатутных узаемаадносін у гэтай вайсковай частцы. Восем спраў ужо накіраваны ў суд, яшчэ дзве знаходзяцца на завяршальнай стадыі.
Што тычыцца ўзроўню адказнасці. У крымінальнай праве ў нас замацаваны прынцып персанальнай адказнасці. Гэта значыць, што з пункту гледжання следства абвінавачанне выстаўленае менавіта тым фігурантам, якія, на нашу думку, вінаватыя ў тым, што салдат звёў рахункі з жыццём. Зразумела, што можна гаварыць пра апасродкаваную віну. У гэтай сувязі надыходзяць і іншыя віды адказнасці. У прыватнасці, камандзір часткі звольнены, камандзір роты таксама прыцягваецца да крымінальнай адказнасці, за тыя злачынствы, якія інкрымінуюцца яму. Таксама прыцягваецца да крымінальнай адказнасці і прапаршчык, старшына гэтай роты, зноў жа яму інкрымінуецца менавіта тое, у чым ён вінаваты.
Я ўпэўнены, што следчай групай зроблена ўсё, што магчыма было ў дадзенай сітуацыі. На адрас Міністэрства абароны ўнесеныя адпаведныя акты рэагавання. Я спадзяюся, што прынятыя адпаведныя жорсткія меры. І хацелася б верыць, што падобныя рэчы паўтарацца ў будучыні не будуць».
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы74
Каментары