Толькі 14% сталічных школьнікаў маюць першую групу здароўя, гэта значыць абсалютна здаровыя, паведаміла «Мінск-Навінам» галоўны пазаштатны спецыяліст па медыцынскім забеспячэнні дзяцей у арганізаваных калектывах камітэта па ахове здароўя Мінгарвыканкама Аксана Піцэвіч.
— Другую групу здароўя маюць 64% мінскіх школьнікаў, трэцюю - 20%, чацвёртую — 2%, — адзначыла А. Піцэвіч. — Пры гэтым, калі ў пачатковай школе з другой групай здароўя 66% навучэнцаў, то ва ўзросце 14-18 гадоў - ужо 61%.
Да ведама, дзеці з першай групай здароўя цалкам здаровыя, з другой - з невялікімі адхіленнямі (няма хранічных хвароб, але ёсць функцыянальныя парушэнні, напрыклад лішняя вага, саслаблены зрок). Таксама дактары ставяць дзіцяці другую групу здароўя, калі ён часта хварэе на вострыя рэспіраторныя інфекцыі. Да трэцяй групы здароўя адносяцца дзеці з хранічным захворваннямі, да чацвёртай — дзеці-інваліды.
- Сярод захворванняў сталічных школьнікаў лідзіруюць хваробы органаў дыхання, на другім месцы — хваробы органаў зроку, на трэцім — траўмы, атручванні, на чацвёртым - хваробы касцёва-мышачнай сістэмы. Пяты радок займаюць хваробы скуры і падскурнай клятчаткі (экзэма, псарыяз і інш.), - патлумачыла А. Піцэвіч.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»29
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары