Французскі суд вырашыў падвергнуць лідара правай партыі «Нацыянальны фронт» Марын Лё Пен псіхіятрычнай экспертызе, паведаміла палітык на сваёй старонцы ў твітары. Прычынай для гэтага стала расследаванне справы з 2015 года аб публікацыі Лё Пен кадраў са смяротнымі пакараннямі, якія здзейснілі ісламісты.
Лё Пен у сваім твітары апублікавала копію пастановы, з якой вынікае, што яе абвінавачваюць у «распаўсюдзе паведамленняў гвалтоўнага, парнаграфічнага характару, даступных непаўналетнім». У сувязі з гэтым яна павінна прайсці псіхіятрычную экспертызу, у рамках якой эксперты павінны будуць адказаць на восем пытанняў. У прыватнасці, ім трэба будзе высветліць, ці ўсведамляла Лё Пэн наступствы сваіх дзеянняў пры публікацыі.
«З-за асуджэння жахаў ІД твітамі правасуддзе адпраўляе мяне на псіхіятрычную экспертызу! Як далёка яны зойдуць?» — напісала Лё Пен.
Публікацыі, якія сталі падставай для расследавання, былі зробленыя Лё Пен у 2015 годзе. Тады журналіст тэлеканала BFM параўнаў «Нацыянальны фронт» Лё Пен з экстрэмісцкімі групамі накшталт «Ісламскай дзяржавы». Лё Пен адказала крытыку, апублікаваўшы ў сваім Twitter фота пакарання амерыканскага журналіста Джэймса Фоўлі і іярданскага лётчыка, якія трапілі пад руку баевікам ІД падчас аперацыі ў Іраку. Фоўлі быў абезгалоўлены ісламістамі, а лётчык — спалены жыўцом. Такім чынам палітык паспрабавала прадэманстраваць розніцу «Нацыянальнага фронту» і ІД.
Публікацыя гэтых кадраў выклікала публічны скандал.
-
Францыя, Германія і Вялікабрытанія папярэдзілі Іран пра магчымасць ваеннага ўмяшання
-
У Тэхасе мужчына расстраляў натоўп каля бара. СМІ звязваюць гэта з амерыканскімі ўдарамі па Іране
-
ЗША пацвердзілі выкарыстанне стэлс-бамбардзіроўшчыкаў B-2 для ўдараў па Іране. Яны выканалі беспасадачны пералёт праз палову свету з базы ў Місуры
У Познані гінеколаг выдаліў 24‑гадовай беларусцы матку і яечнікі без яе згоды. Яму пагражае да 20 гадоў турмы12
Каментары