Віцэ-спікер Вярхоўнай Рады Украіны і упаўнаважаны прэзідэнта краіны па мірным урэгуляванні канфлікту на Данбасе Ірына Герашчанка падтрымлівае ідэю аб пераносе перамоў адносна сітуацыі ў рэгіёне з Мінска ў іншае месца. Пра гэта яна напісала на сваёй старонцы ў Facebook.
«Я падтрымліваю гэтую пазіцыю і даўно за гэта выступаю. І ўжо неаднаразова публічна выказвала нязгоду і абурэнне галасаваннямі Беларусі ў ААН па ўсіх пытаннях, што тычацца Украіны, акупаваных Крыма і Данбаса. Спасылка на нейтральны статус Беларусі не вытрымлівае ніякай крытыкі, бо нейтральныя краіны (як паказала і цяперашняе галасаванне аб уключэнні ў парадак дня 73-й сесіі Генасамблеі ААН пытання аб акупацыі Крыма і Данбаса) ўстрымаліся і прагаласавалі жоўтай кнопкай», — напісала яна.
Герашчанка адзначыла, што Беларусь на галасаванні «ў чарговы раз выступіла адным фронтам з РФ і ўвайшла ў ганебныя 13 [краін], якія прагаласавалі супраць, націснуўшы чырвоную кнопку». «Гэта не нейтральная пазіцыя. Гэта поўнае падыгрыванне Маскве. І такая пазіцыя цалкам супярэчыць статусу краіны, якая з'яўляецца пляцоўкай мірных перамоў па ўрэгуляванні сітуацыі на Данбасе », - дадала яна.
Раней пастаянны прадстаўнік Украіны пры ААН Уладзімір Ельчанка прапанаваў перанесці перамовы па Данбасу з Мінска на іншую пляцоўку на аналагічнай падставе.
Цяпер чытаюць
«Сядзеў ужо 50 сутак, затрымалі яго дзяўчыну і брата». Сукамернік расказаў пра радыёаматара, арыштаванага за здраду дзяржаве1
Каментары