Міліцыя Маладзечна высвятляе месцазнаходжанне каня па мянушцы Вася. Грамадзян, якія бачылі жывёлу, просяць паведаміць пра гэта ў міліцыю па нумары 102.
В.а. начальніка Маладзечанскага РАУС Юрый Кабакоў распавёў kraj.by:
— У міліцыю звярнуўся 78-гадовы жыхар вёскі Пісараўшчына. Мужчына прасіў дапамагчы знайсці ягонага каня, які прапаў у перыяд з 19.00 19 кастрычніка па 19.00 20 кастрычніка.
Конь знік з пашы каля вёскі. Жывёла старая, яму 28 гадоў. З прыкметаў — чорна-шэры.
Паводле інфармацыі Юрыя Кабакова, конь не быў прывязаны.
Гаспадар ацаніў кошт жывёліны ў 1 500 рублёў.
— Да выхаду на пенсію гэта быў добры конь. Гаспадару ён вельмі дарагі, — заўважыў суразмоўца.
Цяпер чытаюць
«Беларусы дастаткова мудрыя, каб чакаць». Севярынец выступіў у Вільні3
Каментары