Аляксандр Лукашэнка сёння ў Оршы на нарадзе па развіцці льняной галіны і перапрацоўцы лёну распавёў, чаму пакінуў Міхаіла Русага на пасадзе віцэ-прэм'ера, піша БелТА.
«Апазіцыя, не апазіцыя пісалі: вось усіх віцэ-прэм'ераў прэзідэнт павыганяў, а Русага пакінуў. Потым адзін нейкі паўапазіцыйны сайт, паведамілі мне, напісаў: напэўна, з Русым разбяруцца па выніках года. Абсалютна правільна. І Русага з сённяшняга дня б не было, але як чалавек вясковы я разумею: быў усё ж такі не лепшы год. Справа не ў надвор'і, але быў далёка не лепшы год», — сказаў Аляксандр Лукашэнка.
Аднак, лічыць кіраўнік дзяржавы, у вытворчасці таго ж ільновалакна можна было б дамагчыся прыкметна большых вынікаў, калі б гэтай сферы губернатары надавалі належную ўвагу. «Так, дрэнна, але ўсё-ткі, як кіраўнік нашага прадпрыемства тут сказаў, у яго ёсць добрая дынаміка.
Гэта ратуе Русага ад той катастрофы, якую пацярпелі яго калегі на чале з Кабяковым. Але, Міхаіл Іванавіч, не дай бог вы з Зайцам (міністр сельскай гаспадаркі і харчавання) не вырашыце гэтую праблему у 2019 годзе «, - папярэдзіў ён.
Як паведамлялася, жнівеньская нарада з удзелам кіраўніка дзяржавы ў Оршы была фатальнай для папярэдняга складу ўрада: праз некалькі дзён Аляксандр Лукашэнка змяніў кіраўніцтва ўрада. Пасадаў пазбавіліся прэм'ер-міністр Андрэй Кабякоў і ўсе ягоныя намеснікі, акрамя Міхаіла Русага.
Цяпер чытаюць
Лосік расказаў, як Бабарыку катавалі ў наваполацкай калоніі20
Лосік расказаў, як Бабарыку катавалі ў наваполацкай калоніі
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1010
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х10
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю44
Каментары