Прэзідэнт Нігерыі Махамаду Бухары абвергнуў чуткі пра тое, што ён памёр і быў заменены на клона. Пра гэта піша The Guardian.
«Гэта рэальны я, запэўніваю вас. Неўзабаве адсвяткую свой 76-ы дзень нараджэння», — паведаміў кіраўнік дзяржавы на канферэнцыі ў Польшчы.
One of the questions that came up today in my meeting with Nigerians in Poland was on the issue of whether I‘ve been cloned or not. The ignorant rumours are not surprising — when I was away on medical vacation last year a lot of people hoped I was dead. pic.twitter.com/SHTngq6LJU
Паводле яго слоў, многія спадзяваліся, што ён памёр падчас працяглай хваробы ў 2017 годзе. «Некаторыя нават звярнуліся да віцэ-прэзідэнта з просьбай разгледзець іх кандыдатуру ў якасці яго намесніка, бо лічылі мяне мёртвым. Гэта ўсхвалявала яго, і, вядома, ён наведаў мяне, калі я аднаўляўся ў Лондане», — распавёў Бухары. Палітык дадаў, што распаўсюднікі падобнай інфармацыі — невукі і нерэлігійныя людзі.
Такім чынам кіраўнік дзяржавы пракаментаваў інфармацыю, што актыўна цыркулюе ў сацсетках ўжо некалькі месяцаў. Чуткі пра тое, што яго падмянілі двайніком з Судана па імені Джубрыл, распаўсюджваюць у тым ліку і некаторыя з палітычных апанентаў прэзідэнта.
Бухары споўніцца 76 гадоў 17 снежня. У лютым ён мае намер пайсці на чарговыя прэзідэнцкія выбары.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам26
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары