Пра гэта пасол Расіі ў Беларусі Міхаіл Бабіч заявіў у інтэрв'ю ТАСС.
Міхаіл Бабіч, у прыватнасці, пракаментаваў нядаўныя заявы кіраўнікоў Беларусі і Расіі наконт эканамічных адносін.
«Досыць часта гучаць узаемныя папрокі аб нейкай эканамічнай дыскрымінацыі ў дачыненні да тых ці іншых груп тавараў, вытворчасцяў і г.д. Больш за тое, як аргумент пастаянна выкарыстоўваецца тэзіс аб стварэнні роўных умоў гаспадарання. Мне здаецца, што ў апошні час мы загуляліся з гэтымі словамі і пачынаем змяншаць сутнасць гэтага паняцця.
Роўныя ўмовы гаспадарання каго з кім? Смаленска з беларускімі рэгіёнамі? Але Расія — гэта не толькі Смаленск, а і Урал, Сібір, Далёкі Усход, дзевяць гадзінных паясоў 143 млн чалавек, частка з якіх жывуць ва ўмовах Крайняй Поўначы, цяжкадаступнай мясцовасці, умовах вечнай мерзлаты.
Калі казаць аб роўных умовах гаспадарання, то трэба паглядзець на ўсю эканамічную мадэль і тую нагрузку, якую нясе бюджэт Расійскай Федэрацыі»
Закрануў пасол і тэму цаны на газ.
«Калі ідзе размова пра тое, што цана на газ у Беларусі павінна быць як у Смаленску, трэба разумець, што ў Расіі працуе складаная мадэль перакрыжаванага субсідавання, у якой удзельнічаюць розныя суб'екты прамысловасці, эканомікі, гаспадарання, якія знаходзяцца ў розных геаграфічных зонах. І вось гэтая перакрыжаваная мадэль у межах расійскага заканадаўства фармуе цану ў Смаленску $ 70. Але гэта не значыць, што такі яе сабекошт. Хіба нашы калегі гэтага не ведаюць? Напэўна, ведаюць, але чамусьці не хочуць ўлічваць пры падрыхтоўцы сваіх прапаноў», — кажа пасол Бабіч.
«Калі сённяшні ўзровень кансалідаванай падтрымкі Расіяй эканомікі Рэспублікі Беларусь складае $ 4,0-4,5 млрд штогод, то гэты новы пакет, які прадугледжвае патэнцыйнае зніжэнне цаны на газ да ўзроўню Смаленска, кампенсацыю па падатковым манеўры, роўных умоў падтрымкі прамысловасці і іншае, можа скласці яшчэ каля $ 3-4 млрд.
У гэтай сітуацыі аказваць падтрымку па нейкіх паняційных сыравінных мадэлях проста немагчыма. Гэта будзе ў рамках дзеючага прававога поля вельмі сумнеўна, і эканамічна неабгрунтавана. Таму прэзідэнты дзвюх краін і закладвалі адпаведныя механізмы ў дагавор, каб гэтую інтэграцыйную мадэль рэалізаваць», — дадаў пасол Расіі.
-
«Санта Брэмар» хоча адсудзіць правы на брэнд у вядомага расійскага вытворцы, якога прызналі экстрэмісцкім за падтрымку УСУ
-
Амерыканскаму ўласніку парку «Сула», выхадцу з Беларусі, прадалі будынкі былога яўрэйскага гета ў Навагрудку
-
Губернатар Прыморскага краю РФ расказаў, што там з будаўніцтвам беларускага порта
Цяпер чытаюць
«Соевыя экстрэмісты павінны адпрацаваць міску клубніц». Скардзіўся на ўмовы працы ў КДБ, а цяпер уцюхвае трэнінгі сілавікам — хто такі Антон Шабуневіч8
Каментары