Pra heta pasoł Rasii ŭ Biełarusi Michaił Babič zajaviŭ u intervju TASS.
Michaił Babič, u pryvatnaści, prakamientavaŭ niadaŭnyja zajavy kiraŭnikoŭ Biełarusi i Rasii nakont ekanamičnych adnosin.
«Dosyć časta hučać uzajemnyja paproki ab niejkaj ekanamičnaj dyskryminacyi ŭ dačynieńni da tych ci inšych hrup tavaraŭ, vytvorčaściaŭ i h.d. Bolš za toje, jak arhumient pastajanna vykarystoŭvajecca tezis ab stvareńni roŭnych umoŭ haspadarańnia. Mnie zdajecca, što ŭ apošni čas my zahulalisia z hetymi słovami i pačynajem źmianšać sutnaść hetaha paniaćcia.
Roŭnyja ŭmovy haspadarańnia kaho z kim? Smalenska ź biełaruskimi rehijonami? Ale Rasija — heta nie tolki Smalensk, a i Urał, Sibir, Daloki Uschod, dzieviać hadzinnych pajasoŭ 143 młn čałaviek, častka ź jakich žyvuć va ŭmovach Krajniaj Poŭnačy, ciažkadastupnaj miascovaści, umovach viečnaj mierzłaty.
Kali kazać ab roŭnych umovach haspadarańnia, to treba pahladzieć na ŭsiu ekanamičnuju madel i tuju nahruzku, jakuju niasie biudžet Rasijskaj Fiederacyi»
Zakranuŭ pasoł i temu cany na haz.
«Kali idzie razmova pra toje, što cana na haz u Biełarusi pavinna być jak u Smalensku, treba razumieć, što ŭ Rasii pracuje składanaja madel pierakryžavanaha subsidavańnia, u jakoj udzielničajuć roznyja subjekty pramysłovaści, ekanomiki, haspadarańnia, jakija znachodziacca ŭ roznych hieahrafičnych zonach. I voś hetaja pierakryžavanaja madel u miežach rasijskaha zakanadaŭstva farmuje canu ŭ Smalensku $ 70. Ale heta nie značyć, što taki jaje sabiekošt. Chiba našy kalehi hetaha nie viedajuć? Napeŭna, viedajuć, ale čamuści nie chočuć ŭličvać pry padrychtoŭcy svaich prapanoŭ», — kaža pasoł Babič.
«Kali siońniašni ŭzrovień kansalidavanaj padtrymki Rasijaj ekanomiki Respubliki Biełaruś składaje $ 4,0-4,5 młrd štohod, to hety novy pakiet, jaki praduhledžvaje patencyjnaje źnižeńnie cany na haz da ŭzroŭniu Smalenska, kampiensacyju pa padatkovym manieŭry, roŭnych umoŭ padtrymki pramysłovaści i inšaje, moža skłaści jašče kala $ 3-4 młrd.
U hetaj situacyi akazvać padtrymku pa niejkich paniacijnych syravinnych madelach prosta niemahčyma. Heta budzie ŭ ramkach dziejučaha pravavoha pola vielmi sumnieŭna, i ekanamična nieabhruntavana. Tamu prezidenty dźviuch krain i zakładvali adpaviednyja miechanizmy ŭ dahavor, kab hetuju intehracyjnuju madel realizavać», — dadaŭ pasoł Rasii.
Ciapier čytajuć
Byłoha milicyjaniera asudzili za žadańnie vajavać u Pałku Kalinoŭskaha. Pahražała da 15 hadoŭ kałonii19
Kamientary