Беларусь, Расія, Арменія, Сербія і яшчэ 15 дзяржаў прагаласавалі супраць прыняцця Генеральнай асамблеяй ААН рэзалюцыі, якая заклікае Расею вывесці яе войскі з тэрыторыі акупаванага Крыма і асуджае рост расійскай вайсковай прысутнасці ў Чорным і Азоўскім морах.
Ініцыяваную Украінай рэзалюцыю падтрымалі 66 краін, 19 былі супраць, устрымаліся 72.
Супраць галасавалі Арменія, Беларусь, Балівія, Бурундзі, Камбоджа, Куба, КНДР, Іран, Лаос, М'янма, Нікарагуа, Расія, Сербія, Паўднёвы Судан, Судан, Сірыя, Узбекістан, Венесуэла і Зімбабвэ.
Генасамблея ААН прыняла рэзалюцыю 17 снежня.
Дакумент, сярод іншага, падкрэслівае, што прысутнасць расійскіх войскаў у Крыме супярэчыць нацыянальнаму суверэнітэту і тэрытарыяльнай цэласнасці Украіны і падрывае бяспеку і стабільнасць іншых дзяржаў Еўропы.
Цяпер чытаюць
«Шынвізэ — кончаны садыст». Адзін з адыёзных начальнікаў калоніі Бабруйска перабраўся ў Германію18
Каментары