«Мы думалі, Мінск — калгасны горад». Расіянка шчыра здзівілася, чаму адграбла ў тыктоку ад беларусаў
Масквічка Ганна падзялілася, што думала, што «Мінск — гэта калгасны горад на адзін дзень», і цяпер шчыра не разумее, чаму пад яе ролікам у тыктоку пра вандроўку ў Беларусь сотні негатыўных каментароў менш чым за суткі.
Ганна прыехала ў Мінск на некалькі дзён разам з маладым чалавекам.
«Мы думалі, што гэта будзе калгасны горад на адзін дзень, але аказалася, што гэта ўтульны, вялікі гістарычны горад, які мы не паспелі абысці нават за пяць дзён», — дзівілася дзяўчына.
І хоць далей у відэа яна пералічыла плюсы беларускай сталіцы — «чыстыя пустынныя вуліцы, шырокія праспекты, цёплыя людзі, нізкія цэны, смачная ежа» — усіх зачапіла першая фраза пра «калгаснасць».
«Як можна называць нават завочна сталіцу іншай дзяржавы «калгасным горадам»? Масква — не цэнтр свету, і не гаспадары там жывуць», — абураліся ў каментарах.
«Прыклад пасіўна-агрэсіўных кампліментаў».
«Мінск — еўрапейскі горад, а не калгасны».
«Вы што, рэальна думалі, што ў 21 стагоддзі ў Мінску будзе вёска? Мы ж суседняя краіна!»
Масквічцы нават прыйшлося запісаць новае відэа, дзе яна апраўдваецца за сваё выказванне:
«Гэтая фраза апісвала нашы чаканні да паездкі, а не сам горад. Я не ўкладвала ў слова «калгасны» нічога крыўднага. Для мяне яно пра простасць, вясковы дух, палі і фермы».
Праўда, такое выбачэнне зачапіла некаторых беларусаў яшчэ больш:
«Выкруціцца не атрымалася. Слова было выкарыстана ў грэблівым сэнсе. Якія «палі», «вясковы дух», калі гутарка пра сталіцу дзяржавы? Думала, што калгас, а аказалася, што не калгас. Значыць так думалі пра нашу сталіцу?».
«Мінск — гэта не пра палі і фермы!»
Стаміўшыся адказваць каментатарам, Ганна падсумавала: «На пакрыўджаных ваду возяць!»
Цяпер чытаюць
За «экстрэмісцкія» падпіскі пры праверцы на мяжы больш не саджаюць на суткі15
Каментары
Местные закомплексованные чепушилы активизировались.)