Цэнтральны вакзал у Варшаве будзе насіць імя беларуска-польскага кампазітара Станіслава Манюшкі
З 5 студзеня Цэнтральны чыгуначны вакзал у Варшаве будзе насіць імя Станіслава Манюшкі, піша kp.by.
Ініцыятыву прасунулі прадстаўнікі Таварыства аматараў музыкі Манюшкі, перадае польскае Radio Zet. Ідэю агучылі яшчэ чатыры гады таму, але да рэалізацыі дайшла толькі цяпер.
2019 год сенат Польшчы аб'явіў годам Манюшкі — у гонар 200-годдзя з дня нараджэння вялікага кампазітара.
Станіслаў Манюшка нарадзіўся ў 1819 годзе ў фальварку Убель пад Мінскам (сучасны Чэрвеньскі раён), потым пераехаў з бацькамі ў Мінск. У сталіцы захаваўся дом, дзе жыла яго сям'я, і гімназія, у якой вучыўся будучы вялікі музыкант.
Станіслаў Манюшка — адзін з пачынальнікаў беларускай оперы. Ён разам з Дуніным-Марцінкевічам у 1852 годзе напісаў оперу «Сельская ідылія» на беларускай мове.
Помнік Манюшку і Дуніну-Марцінкевічу стаіць на плошчы Свабоды ў цэнтры Мінска.
Цяпер чытаюць
Завадчанін Ігар, які вяртаўся дадому бухім, упершыню ў жыцці едзе за мяжу. А яшчэ ён халасты8
Каментары