У Польшчы перакуліўся аўтобус з беларускімі лыжнікамі і сноўбардыстамі
У Падкарпацкім ваяводзтве Польшчы ў аварыю трапіў аўтобус зь беларускімі лыжнікамі і сноўбардыстамі. Пра гэта паведаміў Свабодзе адзін з пасажыраў аўтобуса.
Здарэньне адбылося каля 17 гадзіны паводле менскага часу ў мясцовасьці Дамастава. Паводле дарожнай службы, на аўтадарозе нумар 19 сутыкнуліся адразу тры аўтамабілі — фура, легкавік і аўтобус.
Паводле папярэдняй інфармацыі, кіроўцу фуры занесла, і ён сутыкнуўся з аўтамабілем Hyundai. Кіроўца аўтобуса, каб пазьбегнуць сутыкненьня, з'ехаў у кювет.
У аўтобусе знаходзілася 57 пасажыраў, грамадзяне Беларусі.
Як паведамляе мясцовая дарожная служба, у аварыі загінулі дзьве асобы. Гэта 40-гадовы мужчына і 39-гадовая жанчына, якія знаходзіліся ў легкавіку Hyundai. Двух пасажыраў ва ўзросьце 2 і 11 гадоў даставілі ў шпіталь.
Сярод грамадзянаў Беларусі, якія ехалі аўтобусам, пацярпелых няма.
Як паведаміў Свабодзе адзін з пасажыраў аўтобусу, некалькі гадзін беларусы правялі ў сядзібе пажарнай службы. Празь дзьве гадзіны іх забраў іншы аўтобус і яны працягнулі падарожжа.
Цяпер чытаюць
«Вы бачылі шпалеры ад забудоўшчыка? Гэта ж страшны сон». За што крытыкуюць дзяржаўны рамонт у кватэрах для чаргавікоў?1
Каментары