Намеснік Кіева-Пячэрскай лаўры пахваліўся смерцю праклятых ім людзей
Намеснік Кіева-Пячэрскай лаўры, епіскап Украінскай Праваслаўнай царквы Маскоўскага патрыярхату (УПЦ МП) мітрапаліт Павел (Лебедзь) распавёў, што пасля яго праклёну памерлі некалькі чалавек, якія працавалі ў музейных майстэрнях на тэрыторыі манастыра. З гэтым прызнаннем ён выступіў у ходзе гутаркі, апублікаванай на YouTube-канале «Лаўра. Шлях да неба» (з 24:30).
Мітрапаліт узгадаў пра дыскусіі адносна высялення з гэтых майстэрняў. «Я сказаў, што [яны] памруць, калі не сыдуць. І ў адзін дзень тры чалавекі памерлі. Пасля гэтага яны напісалі адкрыты ліст-скаргу на мяне Блажэннейшаму мітрапаліту Уладзіміру», — паведаміў ён.
У ходзе гутаркі са зверхнікам УПЦ МП мітрапаліт Павел ўбачыў, што ў таго «з вачэй ідуць іскры». «Ён спытаў мяне: «Вы што сабе дазваляеце? Вы праклялі музейшчыкаў, і ў іх памерла тры чалавекі». Я кажу: «Да вечара памраце ўсе. У імя Айца, і Сына, і Святога Духу». Ну, праўда, яшчэ адзін чалавек памёр. Яны хуценька змыліся», — успомніў ён дэталі размовы.
Канкрэтную дату, калі гутарка мела месца, намеснік Кіева-Пячэрскай лаўры не назваў, аднак вясной 2007 года «Комсомольская правда в Украине» апублікавала матэрыял пра канфлікт паміж святарамі і супрацоўнікамі дзеючага на тэрыторыі лаўры Нацыянальнага Кіева-Пячэрскага гісторыка-культурнага запаведніка — самага вялікага музейнага комплексу Украіны. Святары нібыта запатрабавалі ад супрацоўнікаў вызваліць некалькі будынкаў комплексу і перадаць іх царкве.
«Сам момант праклёна добра памятаю. Святар «адарыў» мяне хросным знакам са словамі: «Як я вас усіх ненавіджу! Буду маліцца, каб да Вялікадня вы не дажылі!», — казаў выданню навуковы супрацоўнік Кіева-Пячэрскага запаведніка. — Вы б бачылі яго вочы: колькі ў іх было нянавісці і злосці! Адна справа, калі праклёны прамаўляе звычайны, свецкі чалавек. Але ж гэта чалавек высокага духоўнага сану. І казаць такое на святой зямлі! У Вялікі пост!».
-
У Крыме мясцовыя скардзяцца не толькі на дэфіцыт паліва, але і прадуктаў
-
Пашынян прагаласаваў на парламенцкіх выбарах у Арменіі. Ён заявіў, што ніякай напружанасці з Расіяй няма, а шлях да ЕС працягнецца
-
Кіраўнік МЗС Украіны: Расіі ўсё адно давядзецца скончыць вайну дыпламатычным шляхам, але ўмовы будуць горшыя
Каментары